पत्रकार बोगटी र सुबेदीलाई खेल पत्रकारिता पुरस्कार

काठमाडौँ -  नेपाल खेलकुद पत्रकार मञ्च (एनएसजेएफ) ले एनएसजेएफ पत्रकारिता अवार्डबाट मुकुन्द बोगटी र सुमन बम्जन युवा पत्रकारिताबाट रमेश सुबेदीलाई सम्मान गरेको छ ।

मञ्चको २८औं स्थापना दिवसको अवसरमा बुधबार एक कार्यक्रम आयोजना गर्दै एनएसजेएफ अग्रज पत्रकार बोगटी र युवा पत्रकार सुबेदीलाई सम्मान गरेको हो ।

---

मञ्चले आफ्नो स्थापना दिवसको अवसरमा २०७१ सालदेखि अग्रज र २०७६ सालदेखि युवा खेलपत्रकारलाई सम्मान गर्दै आएको छ ।

 एनएसजेएफले बोगटीलाई नगद २५ हजार र युवा पत्रकार सुबेदीलाई एउटा ल्यापटपसहित सम्मान गरेको हो । 

उनीहरूलाई नेपाल ओलम्पिक कमिटी (एनओसी) का अध्यक्ष जीवनराम श्रेष्ठ, महासचिव निलेन्द्रराज श्रेष्ठ, अखिल नेपाल फुटबल संघ (एन्फा) का महासचिव किरण राई र मञ्चका अध्यक्ष दुर्गानाथ सुबेदीलगायतले सम्मान गरेका थिए ।