एसियन गेम्सः अग्रता जोगाउन नसक्दा पुरुष भलिबलमा नेपाल पराजित

काठमाडौँ- १९ औँ एसियन गेम्सअन्तर्गत नेपाली राष्ट्रिय पुरुष भलिबल टिमले पहिलो खेलमै पराजित भएको छ ।

चीनको हान्झाउस्थित सिएक्ससी जिम्नाजियममा मंगलबार भएको खेलमा नेपालले अग्रता जोगाउन नसक्दा बहराइनसँग पहिलो खेलमै पराजय भोगेको हो ।

---

बहराइनले नेपाललाई ३-१ को सेटमा पराजित गरेको हो ।

नेपालले पहिलो सेट २५-२० ले आफ्नो पक्षमा पार्‍यो । तर त्यसपछि नेपालले लगातार तीन सेट गुमाउन पुग्यो ।

बहराइनले दोस्रो सेट २५-२०, तेस्रो २५-१८ र चौँथो सेट २५-१५ ले जित्यो ।