एसियन गेम्सः पुरुष भलिबलमा नेपालले इरानविरुद्ध खेल्दै

काठमाडौँ- चीनको हान्झाउमा जारी १९ औँ एसियन गेम्सअन्तर्गत नेपाली राष्ट्रिय पुरुष भलिबल टिमले आज दोस्रो खेल खेल्दैछ ।

समूह ‘बी’ मा रहेको नेपालले दोस्रो खेलमा इरानको सामना गर्दैछ । नेपाल र इरानबीचको खेल नेपाली समयअनुसार १२:१५ बजेबाट सुरु हुँदैछ ।

---

यसअघि मंगलबार भएको पहिलो खेलमा नेपालले बहराइनसँग पराजय भोगेको थियो ।

बहराइनले नेपाललाई ३-१ ले पराजित गरेको थियो ।

नेपालले पहिलो सेट २५-२० ले आफ्नो पक्षमा पारेपनि बहराइनले दोस्रो सेट २५-२०, तेस्रो २५-१८ र चौँथो सेट २५-१५ ले जितेको थियो ।