इन्टर क्लब स्क्वासः एनएसआरए र क्लब इन्टरनेसनलको विजयी सुरुवात

काठमाडौँ- नेपाल स्क्वास एन्ड र्‍याकेट्स संघको आयोजनामा बुधबारबाट एनएसआरए इन्टर क्लब स्क्वास टिम च्याम्पियनसीप २०२३ सुरु भएको छ ।

सातदोबाटोस्थित स्क्वास हलमा सुरु भएको प्रतियोगिताको पहिलो दिन क्लब इन्टरनेसनलले ब्रिटिस आर्मी ‘ए’ टिमलाई ३–० ले पराजित गर्‍यो ।

---

पहिलो खेलमा क्लब इन्टरनेसनलका अस्ट्रेलियाली खेलाडी इशाक बेल हर्बटले ब्रिटिस आर्मीका सुनील राना र दोस्रो खेलमा इटालीका रेन्जो एन्डोर्नोले श्यामलाई समान ३–० सेटमा पराजित गरे ।

क्लब इन्टनेसनलका धिर पुनले अन्तिम खेलमा सविन गुरुङलाई ३–१ सेटमा पराजित गरे ।

आयोजक एनएसआरएको तीनै टिमले पनि पहिलो दिन विजयी सुरुआत गर्‍यो ।

एनएसआरए टिम ‘बी’ ले ब्रिटिस आर्मी सीलाई तीनवटै खेलमा हरायो । यी दुई टिमबीचको खेलमा प्रज्वल प्रधानले केशर मगरलाई ३–१ र प्रवीण वीर कंसाकारले शेरजङ थापा र राजेन्द्र शाक्यले शंकर गुरुङलाई समान ३–० को सोझो सेटमा पराजित गरे ।

एनएसआरए टिम ‘ए’ ले पाहुना टिम ट्रेलिङ स्पाउजलाई ३–० ले हरायो । दिव्यराज वज्राचार्यले डेभिड थोम्सन, दीपक थापाले ल्युक सयर र उमित शाकयले मइक रान्डललाई समान ३–० ले साझो सेटमा पराजित गरे ।

एनएसआरए टिम ‘सी’ ले पनि ब्रिटिस आर्मी ‘बी’ लाई तीनवटै खेलमा हरायो । राकेश परियारले दिलिप राई, पासाङ लामाले ज्याकोब क्लार्क र विकास मगरले जिम डोइगलाई समान ३–० ले निराश बनाए ।