एसियन गेम्सः टेबल टेनिसको टिम इभेन्ट्समा भारतसँग पनि हार्‍यो नेपाल

काठमाडौँ- चीनको हान्झाउमा जारी १९ औँ एसियन गेम्सअन्तर्गत टेबल टेनिसको महिला टिम इभेन्ट्समा नेपालले भारतसँग पनि पराजय भोगेको छ ।

शनिबार बिहान भएको खेलमा भारतले नेपाललाई ३-० ले पराजित गरेको हो । नेपाली महिला टिमले शुक्रबार सिंगापुरसँग ३-० को पराजय भोगेको थियो ।

---

समूह ‘एफ’ अन्तर्गत शनिबार भारतकी दिया पराग चिटालेले नेपालकी सिक्का सुवाल श्रेष्ठलाई ११-१, ११-६ र ११-८ को सेटमा पराजित गरिन् ।

दोस्रो खेलमा भारतकी अहिका मुखर्जीले नबिता श्रेष्ठलाई ११-३, ११-७ र ११-२ ले पराजित गरिन् ।

तेस्रो खेलमा भारतकी सुतिर्था मुखर्जीले नेपालकी इभाना थापा मगरलाई ११-१, ११-५ र ११-२ को सेटमा स्तब्ध पारिन् ।