एसियन गेम्सः टेनिसमा प्रदिपले जित्दा माहिका र अभिलाषा पराजित

काठमाडौँ- चीनको हान्झाउमा जारी १९ औँ एसियन गेम्सअन्तर्गत टेनिसअन्तर्गत नेपालका प्रदिप खड्काले जित हात पारेका छन् ।

पुरुषको एकलतर्फ आइतबार भएको पहिलो चरणमा प्रदिपले टिमोर लेस्टेका एन्टोनियो मेन्डेसलाई २-० को सोझो सेटमा पराजित गरेका हुन् ।

---

प्रदिपले मेन्डेसलाई ६-० र ६-० ले पराजित गरे ।

यता महिलाको एकलतर्फ माहिका रानाले दक्षिण कोरियाकी सोहयुन पार्कसँग सोझो सेटमा पराजित भइन् । पार्कले माहिकालाई ६-० र ६-१ ले पराजित गरिन् ।

महिलाकै एकलतर्फ अभिलाषा विष्टले थाइल्यान्डकी मानानचाया सावान्गकेभसँग हारिन् । मनानचायाले अभिलाषालाई ६-० र ६-० ले पाखा लगाइन् ।