एसियन गेम्सः फेन्सिङमा पायास र राजेन्द्रको चुनौती समाप्त

काठमाडौँ- चीनको हान्झाउमा जारी १९ औँ एसियन गेम्सअन्तर्गत फेन्सिङमा नेपाली पुरुष खेलाडी पायास योन्जन र राजेन्द्र गजुरेलले सबै खेलमा पराजय भोगेका छन् ।

पुरुषको साब्रे इन्डिभिजुअलतर्फ पुल वानअन्तर्गत पायासले पहिलो खेलमा कजाखस्तानका आर्टयोम सार्किस्यानसँग ५-० ले पराजित भए ।

---

पायासले दोस्रो खेलमा उज्बेकिस्तानका शर्जोड मामुतोभसँग ५-१, तेस्रो खेलमा साउदी अरेबियाका अदेल अल्मुताइरीसँग ५-१, चौँथो खेलमा हङकङका हो टिन लोसँग ५-० र अन्तिम खेलमा इरानका सयद अलीसँग ५-१ को पराजय भोगे ।

यता राजेन्द्रले पुल थ्रीअन्तर्गत पहिलो खेलमा कुवेतका मोहम्मद अब्दुलकरिमसँग ५-२, दोस्रो खेलमा हङकङका जी लोङ आरोन होसाग ५-०, तेस्रो खेलमा चीनका यीङ्झुइ यानसँग ५-०, चौँथो खेलमा भियतनामका भान कुएटसँग ५-२, पाँचौँ खेलमा दक्षिण कोरियाका सान्गुक ओहसँग ५-० तथा अन्तिम खेलमा जापानका काइटो स्ट्रिट्ससँग ५-० ले पराजित भए ।