एसियन गेम्सः फेन्सिङमा मन्दिरा र गोमा पनि पराजित

काठमाडौँ- चीनको हान्झाउमा जारी १९ औँ एसियन गेम्सअन्तर्गत फेन्सिङमा नेपाली महिला खेलाडी मन्दिरा थापा र गोमा आचार्य पराजित भएका छन् ।

सोमबार भएको महिलाको फोएल इन्डिभिजुअल राउन्डतर्फ मन्दिराले हङकङकी नोक डाफ्ने चानसँग ५-०, मकाउकी हियो लाम कुसँग ५-१, जापानकी सेरा अजुमासँग ५-०, थाइल्यान्डकी चायाडा स्मिथिसुकुलसँग ५-३, दक्षिण कोरियाकी जिन ह्यो होङसँग ५-० र जोर्डनकी रोआ माजालीसँग ५-१ ले पराजित भइन् ।

---

यता गोमाले भने दक्षिण कोरियाकी सेना होङसँग ५-३, थाइल्यान्डकी सिनाखेर्दचोकेसँग ५-१, जापानकी युका युइनोसँग ५-१, सिंगापुरकी माक्सिने जिए जिन ओङसँग ५-४, यूएईकी अल्हायाम अलब्लुशीसँग ५-२ र चीनकी क्वियानक्विन हुआङसँग  ५-० ले पराजित भएकी हुन् ।