एसियन गेम्सः जुडो खेलाडी रंजेश र आकृति पराजित

काठमाडौँ- चीनको हान्झाउमा जारी १९ औँ एसियन गेम्सअन्तर्गतको जुडोतर्फ नेपालका रंजेश गोले र आकृति जोशी पराजित भएका छन् ।

दुवैजना मंगलबार प्रिक्वार्टरफाइनल खेलमा पराजित भएका हुन् ।

---

रंजेश पुरुषको १०० केजीमाथिको खेलमा कजाखस्तानका गाल्यमझान कृकवेसँग पराजित भए । कृकवेले रंजेशलाई अंकको आधारमा १०-० ले पराजित गरे ।

यता महिलातर्फको ७८ केजीमाथितर्फ आकृतिले उज्बेकिस्तानकी रिनाता इल्मातोभासँग पराजय भोगिन् ।

रिनाताले आकृतिलाई अंकको आधारमा १०-० ले पाखा लगाइन् ।