एसियन गेम्सः टेबल टेनिसमा रुविन र संयोग पराजित

काठमाडौँ- चीनको हान्झाउमा जारी १९ औँ एसियन गेम्सअन्तर्गत टेबल टेनिसमा नेपालका रुविन महर्जन र संयोग कपाली पराजित भएका छन् ।

बुधबार भएको पुरुष एकलतर्फको अन्तिम ६४ को खेलमा नेपालका रुविनले माल्दिभ्सका शाफन मोहम्मद इस्माइलसँग ५-१ ले पराजित भए ।

---

शाफानले पहिलो सेट ११-६ ले जितेपनि दोस्रो सेट रुविनले ११-३ ले आफ्नो पक्षमा पारेका थिए । तर शाफानले तेस्रो सेट ११-८, चौँथोँ सेट ११-६ र पाँचौँ सेट ११-८ ले जिते ।

यता संयोगले यमनका ओमार अहमदसँग ४-० को हार भोगे । ओमारले  संयोगलाई ११-८, ११-७, ११-९ र ११-६ ले पराजित गरे ।