एसियन गेम्सः ब्याडमिन्टनमा प्रिन्स र सुनिल पराजित

काठमाडौँ- चीनको हानझाउमा जारी १९ औँ एसियन गेम्सअन्तर्गत ब्याडमिन्टनमा नेपालका प्रिन्स दाहाल र सुनिल जोशी पराजित भएका छन् ।

सोमबार भएको पुरुष एकलतर्फको अन्तिम ६४ को खेलमा प्रिन्सले जापानका केन्टा निसिमोटोसँग २-० को सेटमा पराजित भए । केन्टाले प्रिन्सलाई २१-१२ तथा २१-७ ले पराजित गरेका हुन् ।

---

यता सुनिलले भने थाइल्यान्डका कान्टाफोन वाङ्गचारोएनसँग २-० को सेटमा हार बेहोरे । कान्टाफोनले सुनिललाई २१-७ र २१-९ ले पराजित गरे ।