एसियन गेम्सः ब्याडमिन्टनमा रशिला महर्जन पराजित

काठमाडौँ- चीनको हान्झाउमा जारी १९ औँ एसियन गेम्सअन्तर्गत ब्याडमिन्टनमा रशिला महर्जन पराजित भएकी छन् ।

बुधबार भएको महिला एकलतर्फको प्रिक्वार्टरफाइनलमा रशिला पराजित भएकी हुन् ।

---

रशिलाले आयोजक चीनकी बिङ्जियो हीसँग रशिलाले २१-१० र २१-४ को सेटमा पराजय भोगेकी हुन् ।

यता मिक्स्ड डबल्सतर्फ विष्णु कटुवाल र नङ्सल तामाङको नेपाली जोडीले चीनको सिवेइ झेङ र याकिओङ हुआङको जोडीसँग २१-४ र २१-७ ले पराजित भयो ।

मेन्स डबल्सतर्फ भने विष्णु कटुवाल र जीवन आचार्यको जोडीले सिंगापुरका जु जाइ एनगे तथा प्राजोगो जोहानसँगको जोडीसँग २१-११ र २१-४ को सेटमा पराजय भोग्यो ।