काभा च्यालेन्ज कप : साउदीसँग हार्‍यो नेपाल

काठमाडौँ- श्रीलंकामा जारी काभा पुरुष भलिबल च्यालेन्ज कपमा नेपालले दोस्रो हार भोगेको छ । शुक्रबार भएको खेलमा खेलमा साउदी अरेबियाले नेपाललाई ३–२ को सेटमा पराजित गरेको हो । नेपालले पहिलो सेट २५–२२ ले गुमाए पनि दोस्रो सेट भने २५–२१ ले आफ्नो पक्षमा पारेको थियो ।

तर, तेस्रो सेट साउदी अरेबियाले २५–२३ ले जित्दा चौथो सेट नेपालले २७–२५ ले जित्यो । तर, अन्तिम तथा निर्णायक सेटमा भने साउदी अरेबीयाले नेपाललाई १६–१४ ले पराजित गर्दै खेल आफ्नो पक्षमा पार्‍यो ।

---

नेपालले पहिलो खेलमा बंगलादेशलाई पराजित गर्दा दोस्रो खेलमा आयोजक श्रीलंकासँग पराजित भएको थियो ।

तर, तेस्रो खेलमा नेपालले अफगानिस्तानलाई हराएको थियो ।