सुदूरपश्चिम प्रदेश स्तरीय अन्तर बैंक फुटसल प्रतियोगिता आजबाट सुरु

कैलाली- नेपाल राष्ट्र बैंक कर्मचारी संघको आयोजनामा धनगढीमा सुदूरपश्चिम प्रदेश स्तरीय अन्तर बैंक फुटसल प्रतियोगिता आजबाट सुरु भएको छ । 

प्रतियोगितामा यहाँका १९ ओटा बैंक तथा वित्तीय संस्थाहरूको सहभागिता रहेको छ । 

---

एनआइसी बैंकले मुख्य प्रायोजन गरेको फुटसल प्रतियोगिता नकआउट आधारमा खेलाइने आयोजकले जानकारी दिएको छ । 

प्रतियोगितामा नेपाल राष्ट्र बैंक, एनआईसी एसिया, हिमालयन, ग्लोबल आइमई, नबिल, कुमारी, सिद्धार्थ, लक्ष्मीसनराइज, माछापुच्छ्रे, एभरेस्ट, प्रभु बैंकको सहभागिता रहेको छ । 

त्यस्तै, सानिमा, नेपाल एसबिआई, एनएमबी, नेपाल इन्भेस्टमेन्ट मेघा बैंक, महालक्ष्मी बिकास बैंक, सिटिजन बैंक, लुम्बिनी बिकास बैंक, नेपाल बैंक लिमिटेड, रास्ट्रीरी बाणिज्य बैंक, कृषि बिकास बैंक र नवजीवन सहकारी संस्था लिमिटेडको सहभागिता रहेको छ । 
 
धनगढीस्थित फ्ल्याट ल्याण्ड फुटसलमा दुई दिनसम्म सञ्चालन हुने फुटसल प्रतियोगिताको भोलि शनिबार समापन गरिने आयोजकले जानकारी दिएको छ ।