रोनाल्डो र मेस्सी आमनेसामने हुने

काठमाडौँ- क्रिस्टियानो रोनाल्डो र लियोनल मेस्सी फेरि एकपटक आमनेसामने हुने भएका छन् । अल नासर र इन्टर मियामी आगामी फेब्रुअरीमा रियाद सिजन कप खेल्ने भएसँगै रोनाल्डो र मेस्सी आमनेसामने हुने भएका हुन् ।

'द लास्ट डान्स' नाम दिइएको रियाद सिजन कपमा अल नासर, इन्टर मियामी र अल हिलाल सहभागी हुने भएका छन् । यो प्रतियोगिता फेब्रुअरी, २०२४ को पहिलो सातामा हुने घोषणा गरिएको छ ।

---

अल हिलाल खेल्ने भएपनि नेइमार भने इन्जुरीका कारण टिममा नरहेकाले यो प्रतियोगिता खेल्ने छैनन् । यस प्रतियोगितामा तीन खेल हुनेछन् । जसमा अल नासर र अल हिलाल, अल नासर र इन्टर मियामी तथा अल हिलाल र इन्टर मियामी खेल्नेछन् । यी तीन खेलमा शीर्ष स्थानमा रहने टिमले यो उपाधि जित्ने छ ।