प्रिमियर लिगः साविक विजेता सिटीसँगको अंक दूरी बढाउँदै आर्सनल

काठमाडौँ- शीर्ष स्थानको आर्सनलले इंग्लिस प्रिमियर लिगमा साविक विजेता म्यानचेस्टर सिटीसँगको अंक दूरी बढाउँदै लगेको छ ।

शनिबार राति उल्भ्सलाई २-१ गोलअन्तरले पराजित गर्दै आर्सनलले दोस्रो स्थानको सिटीसँगकै दूरी ४ अंकमा पुर्‍याएको छ ।

---

आर्सनलले १४ खेलबाट ३३ अंक जोड्दा सिटीले १३ खेलबाट २९ अंक बटुलेको छ ।

शनिबार राति आर्सनललाई जित दिलाउन बुकायो साका र मार्टिन ओडेगार्डले एक-एक गोल गरे । उल्भ्सका लागि म्याथ्यूज कुन्हाले एक गोल फर्काए ।

शनिबार राति नै न्यूकासलले म्यानचेस्टर युनाइटेडलाई १-०, एभर्टनले नटिङ्घम फरेस्टलाई १-० बर्नलीले शेफिल्ड युनाइटेडलाई ५-० तथा ब्रेन्टफोर्डले लुटोनलाई ३-१ पराजित गरे ।