रियल मड्रिड पुनः शीर्ष स्थानमा

काठमाडौँ- रियल मड्रिड पुनः स्पेनिस ला लिगाको शीर्ष स्थानमा उक्लिएको छ ।

शनिबार राति ग्रानाडालाई २-० गोलअन्तरले पराजित गर्दै रियल मड्रिड शीर्ष स्थानमा उक्लिएको हो ।

---

ग्रानाडाविरुद्ध रियल मड्रिडलाई जित दिलाउन ब्राहिम डियाज र रोड्रिगोले एक-एक गोल गरे ।

ला लिगाअन्तर्गत रियल मड्रिड र दोस्रो स्थानको गिरोनाको समान ३८-३८ अंक भएपनि गोलअन्तरमा भने रियल मड्रिड माथि रहेको छ ।

शनिबार राति नै दोस्रो स्थानको गिरोनाले भ्यालेन्सियालाई २-१ गोलअन्तरले पराजित गर्‍यो ।