प्रिमियर लिग क्लब शेफिल्डले प्रशिक्षक पललाई बर्खास्त गर्ने सम्भावना

काठमाडौँ- इंग्लिस प्रिमियर लिग क्लब शेफिल्ड युनाइटेडले आफ्ना मुख्य प्रशिक्षक पल हेकिङबटमलाई बर्खास्त गर्ने सम्भावना बढेको छ ।

लिगअन्तर्गत शनिबार राति बर्नलीसँग ५-० पराजित भएपछि शेफिल्डले प्रशिक्षक पललाई बर्खास्त गर्न लागेको स्काइ-स्पोर्ट्सले जनाएको छ ।

---

जारी सिजनको लिगमा शेफिल्डले १४ मध्ये केवल एक खेलमा मात्र जित हात पारेको छ । ११ खेलमा पराजय भोगेको शेफिल्ड लिग तालिकाको पुछारमा छ ।  

सन् २०२१ को नोभेम्बरमा मुख्य प्रशिक्षक नियुक्त भएका पलले शेफिल्डलाई गत सिजन प्रिमियर लिगमा बढुवा गराएका थिए ।