कप्तानबाट हटाइएका रोहित शर्माले के पुनः मुम्बईबाटै खेल्नेछन् ?

काठमाडौँ- इन्डियन प्रिमियर लिग (आईपीएल) क्लब मुम्बई इन्डियन्सले रोहित शर्मालाई कप्तानबाट हटाएर हार्दिक पाण्ड्यालाई नयाँ कप्तान चयन गरेको छ ।

मुम्बई इन्डियन्समा आएको एक महिना पनि नबित्दै हार्दिकले सन् २०२४ को आईपीएलमा मुम्बईको कप्तानी गर्ने निश्चित भएको क्रिकइन्फोले जनाएको छ ।

---

यता १० वर्ष मुम्बई कप्तानी गरेका रोहितले आफ्नो कप्तानीमा मुम्बईलाई पाँचपटक आईपीएलको उपाधि दिलाएका थिए ।

हार्दिकले भने गुजराज टाइटन्सलाई सहभागिताको पहिलो संस्करणमै उपाधि तथा दोस्रो संस्करणमा उप-विजेता बनाएको थियो ।

सचिन तेन्दुलकरपछि मुम्बईको कप्तानी हरभजन सिंह, रिंकी पोन्टिङ र त्यसपछि रोहितले गरेका थिए ।

रोहितपछि भने हार्दिकले मुम्बईको कप्तानी गर्न लागेका हुन् । कप्तानबाट हटाइएपनि रोहितले भने मुम्बईकै लागि आईपीएल खेल्ने क्रिकइन्फोले उल्लेख गरेको छ ।

रोहितले सन् २०१३ देखि मुम्बईको कप्तानी गर्दै आएका थिए ।