प्रिमियर लिगः लिभरपुलले युनाइटेडसँग अंक बाँड्दा आर्सनल शीर्ष स्थानमा

काठमाडौँ- लिभरपुलले म्यानचेस्टर युनाइटेडसँग अंक बाँडेपछि आर्सनल इंग्लिस प्रिमियर लिगको शीर्ष स्थानमा उक्लिएको छ ।

आइतबार राति लिभरपुलले म्यानचेस्टर युनाइटेडसँग गोलरहित बराबरी खेलेको थियो भने अर्को खेलमा आर्सनलले ब्राइटनमाथि २-० को जित निकालेको थियो ।

---

म्यानचेस्टर युनाइटेडसँग बराबरी खेलेपछि १७ खेलबाट ३८ अंक जोडेको लिभरपुल तालिकाको दोस्रो स्थानमा झरेको छ । एस्टन भिल्लाको पनि ३८ अंक भएपनि गोलअन्तरमा भने लिभरपुल माथि छ ।

यता ब्राइटनविरुद्ध जित निकालेको आर्सनल भने ३९ अंकसहित शीर्ष स्थानमा उक्लिएको हो । आर्सनललाई जित दिलाउन गाब्रिएल जेसस र काइ हाभार्जले एक-एक गोल गरे ।

२८ अंक जोडेको म्यानचेस्टर युनाइटेड भने सातौँ स्थानमा यथावत छ ।