ला लिगाः रियल मड्रिड शीर्ष स्थानमा उक्लियो

काठमाडौँ- रियल मड्रिड पुनः स्पेनिस ला लिगाको शीर्ष स्थानमा उक्लिएको छ । आइतबार राति भिल्लारियललाई ४-१ गोलअन्तरले पराजित गर्दै रियल मड्रिड शीर्ष स्थानमा उक्लिएको हो ।

रियल मड्रिडको जितमा जुड बेलिङ्घम, रोड्रिगो, ब्राहिम डियाज र लुका मोड्रिचले एक-एक गोल गरे । भिल्लारियलका लागि जोस लुइस मोराल्सले एक गोल फर्काए ।

---

जितसँगै शीर्ष स्थानमा उक्लिएको रियल मड्रिडले १७ खेलबाट ४२ अंक जोडेको छ । यता १६ खेलबाट ४१ अंक जोडेको गिरोना भने दोस्रो स्थानमा झरेको छ ।

भिल्लारियल भने १६ अंकसहित १४ औँ स्थानमा छ ।