एन्फाको सिइओमा इन्द्रमान तुलाधर नियुक्त

काठमाडौँ- अखिल नेपाल फुटबल संघ एन्फाको प्रमुख कार्यकारी अधिकृत (सिइओ) मा इन्द्रमान तुलाधर नियुक्त भएका छन् । सोमबार काठमाडौँमा बसेको एन्फा कार्यसमिति बैठकले एन्फाका पूर्व महासचिव तुलाधरलाई सिइओ नियुक्त गरेको हो ।

त्यस्तै बैठकले सहायक कोषाध्यक्षमा प्रविणकुमार यादवलाई नियुक्त गरेको छ । बैठकले एन्फाको विशेष साधारण सभा माघ ८ गते काठमाडौँमा गर्ने निर्णय गरेको छ भने नियमित साधारण सभा फागुन १४ गते काठमाडौँमा गर्ने निर्णय गरेको छ ।

---

त्यस्तै एन्फाले भविष्यमा हुने अन्तर्राष्ट्रिय प्रतियोगिता आयोजना गर्दा नि:शुल्क पास वितरण पूर्ण रूपमा बन्द गर्ने र एन्फाले टिकट बिक्री गरी उठेको रकमकाे २० प्रतिशत रकम प्रतियोगितामा सहभागी हुने उमेर समूह र राष्ट्रिय महिला तथा पुरुष फुटबल टिमका खेलाडीहरूलाई प्रदान गर्ने निर्णय गरेको छ ।