रकम नपाए एन्फाको कुनै प्रतियोगिता नखेल्ने ए डिभिजन क्लबको चेतावनी

काठमाडौँ- विगतमा खेलेका सहिद स्मारक 'ए' डिभिजन लिगको तयारी वापतको रकम भुक्तानी नपाए अखिल नेपाल फुटबल संघ (एन्फा) ले आयोजना गर्ने कुनै पनि प्रतियोगिता नखेल्ने क्लबहरुले चेतावनी दिएका छन् ।

फ्रेन्ड्स क्लब, न्यूरोड टिम (एनआरटी), सातदोबाटो युथ क्लब, मनाङ मर्स्याङ्दी क्लब, चर्च ब्वाइज क्लब र खुमलटार युवा क्लबले आर्थिक वर्ष ७८-८९ र ८९-८० को सञ्चालित प्रतियोगिताको तयारी वापत पाउनुपर्ने रकम डिसेम्बर ३१ तारिखसम्म भुक्तानी नगरे एन्फाको कुनै पनि प्रतियोगितामा सहभागी नहुने चेतावनी दिएका हुन् ।

---

ती क्लबका प्रतिनिधिले एन्फाका वरिष्ठ उपाध्यक्ष विरबहादुर खड्कालाई ज्ञापन पत्र बुझाउँदै एक हप्ताभित्र तयारी वापतको रकमको भुक्तानी गर्न माग गरेका हुन् ।