प्रशिक्षक कार्लो एन्सेलोटी सन् २०२६ सम्म रियल मड्रिडमै रहने

काठमाडौँ- स्पेनिस क्लब रियल मड्रिडका मुख्य प्रशिक्षक कार्लो एन्सेलोटी सन् २०२६ सम्म क्लबमै रहने भएका छन् ।

एन्सेलोटीले रियल मड्रिडसँग नयाँ सम्झौता गरेको बीबीसीले जनाएको हो । नयाँ सम्झौताअनुसार एन्सेलोटी सन् २०२६ को जुनसम्म रियल मड्रिडकै मुख्य प्रशिक्षकका रुपमा रहने छन् ।

---

एन्सेलोटीले सन् २०२१ मा रियल मड्रिडसँग दोस्रो कार्यकालका लागि तीन वर्षको सम्झौता गरेका थिए ।

६४ वर्षीय इटालियन नागरिक एन्सेलोटीले रियल मड्रिडलाई १० वटा उपाधि दिलाएका छन् । उनले रियल मड्रिडलाई दुई पटक च्याम्पियन्स लिग, एकपटक ला लिगा, दुई पटक क्लब विश्वकप, दुई पटक युरोपियन सुपर क तथा एकपटक स्पेनिस सुपर कपको उपाधि जिताएका छन् ।

यसअघि एन्सेलोटीले सन् २०१३ देखि २०१५ सम्म रियल मड्रिडको प्रशिक्षकको रुपमा रहेका थिए ।