युभेन्टस र एसी मिलान विजयी

काठमाडौँ- इटालियन 'सिरि ए' अन्तर्गत युभेन्टस र एसी मिलानले जित हात पारेका छन् ।

शनिबार राति भएको खेलमा युभेन्टसले रोमालाई १-० गोलअन्तरले पराजित गर्‍यो । युभेन्टसको जितमा एड्रियन राबियोटले ४७ औँ मिनेटमा निर्णायक गोल गरे ।

---

रोमामाथिको जितसँगै दोस्रो स्थानको युभेन्टसले १८ खेलबाट ४३ अंक जोडेको छ । शीर्ष स्थानको इन्टर मिलानको ४५ अंक छ ।

अर्को खेलमा तेस्रो स्थानको एसी मिलानले सासोलोलाई १-० गोलअन्तरले पराजित गर्‍यो । एसी मिलानको जितमा क्रिस्टियन पुलिसिकले ५९ औँ मिनेटमा निर्णायक गोल गरे ।

यससँगै एसी मिलानले ३६ अंक हात पारेको छ ।