जब विषालु सर्पका कारण टेनिस खेल रोकियो…

काठमाडौँ- विषालु सर्प कोर्टमा प्रवेश गरेपछि अस्ट्रेलियामा अन्तर्राष्ट्रिय टेनिस प्रतियोगिता प्रभावित भएको छ ।

ब्रिसबेन इन्टरनेसनल टेनिस प्रतियोगिताअन्तर्गत डोमिनिक थिम र जेम्स म्याकक्याबबीचको खेल चलिरहँदा शनिबार विषालु सर्प कोर्टबाहिर देखिएको थियो ।

---

कोर्टबाहिर रहेको तार नजिकै सर्प देखिएपछि खेल केही समयका लागि स्थगित भएको बीबीसीले जनाएको छ । खेल ४० मिनेटसम्म रोकिएको थियो ।

त्यसपछि व्यावसायिक सर्प उद्धारकर्ताले सर्पलाई सुरक्षित ठाउँमा पुर्‍याएका थिए ।

उक्त खेलमा यूएस ओपन विजेता थिमले जेम्सलाई पराजित गरेका थिए ।