जब फुटबल खेलिरहँदा म्यानचेस्टर सिटीका ग्रेलिसको घरमा चोरी भयो…

काठमाडौँ- इंग्लिस क्लब म्यानचेस्टर सिटीका मिडफिल्डर ज्याक ग्रेलिस एभर्टनविरुद्ध फुटबल खेलिरहँदा उनको घरमा चोरी भएको छ ।

गत बुधबार इंग्लिस प्रिमियर लिगअन्तर्गत सिटीले एभर्टनलाई ३-१ गोलअन्तरले पराजित गर्दा इङ्ग्ल्यान्डका ग्रेलिसको घरमा चोरी भएको बीबीसीले जनाएको छ ।

---

चेसायरस्थित ग्रेलिसको घरबाट करिब १ मिलियन पाउन्ड बराबरीको गरगहना तथा घडीहरू चोरी भएको बताइएको छ ।

चोरी हुँदा घरमा ग्रेलिसकी पार्टनर तथा परिवारका अन्य सदस्यहरू रहेका थिए । तर चोरी हुँदै गर्दा परिवारका सदस्यहरू त्रसित बनेको तथा यसले आफूलाई नराम्ररी प्रभावित पारेको उनले बताए ।