दुईपटककी विम्बल्डन विजेता भिटोभा भइन् गर्भवती

काठमाडौँ- दुईपटककी विल्डन विजेता टेनिस खेलाडी पेट्रा भिटोभा गर्भवती भएकी छन् ।

विश्व वरीयताको १७ औँ स्थानमा रहेकी चेक रिपब्लिकन खेलाडी भिटोभाले नयाँ वर्षको पहिलो दिन नै आफू गर्भवती भएको खुलासा गरेकी हुन् ।

---

३३ वर्षीया भिटोभाले सन् २०२३ मै आफ्ना प्रशिक्षक जिरि भानेकसँग विवाह गरेकी थिइन् ।

भिटोभाले यस वर्षको पहिलो ग्रान्ड स्लाम प्रतियोगिताको रुपमा अस्ट्रेलियन ओपनका लागि नाम दर्ता गराएकी थिइन् । तर गर्भवती भएपछि भिटोभाले अस्ट्रेलियन ओपन गुमाउने भएकी छन् ।

सन् २०११ र २०१४  मा विम्बल्डन जितेकी भिटोभाले गत अक्टोबरमा चाइना ओपनमा सहभागिता जनाएकी थिइन् ।