बंगलादेश क्रिकेट टिमका कप्तान शाकिब सांसदमा निर्वाचित

काठमाडौँ- बंगलादेश पुरूष राष्ट्रिय क्रिकेट टिमका कप्तान तथा अलराउन्डर शाकिब अल हसन बंगलादेशको सांसदमा निर्वाचित भएका छन् ।

अवामी लिग पार्टीबाट राष्ट्रिय चुनावमा सहभागी भएका शाकिब मागुरा-१ बाट निर्वाचित भएका बंगलादेशको अनलाइन पोर्टल द बिजनेस स्ट्यान्डर्डले जनाएको छ ।

---

शाकिबले बंगलादेश कंग्रेस पार्टीका उम्मेदवार रेजाउल हसनलाई पराजित गरेका हुन् । शाकिबले १ लाख ८५ हजार ३ सय ८८ मत प्राप्त गरे भने रेजाउलले ४५ हजार ९ सय ३३ मत पाएका थिए ।

उक्त क्षेत्रका वर्तमान सांसद साइफुजमान शिकोरले अवामी लिगबाट टिकट नपाएपछि शाकिबलाई सहयोग गरेका थिए ।