दक्षिण अफ्रिकाका ब्याट्सम्यान क्लासेनले लिए टेस्ट क्रिकेटबाट सन्यास

काठमाडौँ- दक्षिण अफ्रिकाका विकेटकिपर ब्याटर हेनरिक क्लासेनले टेस्ट क्रिकेटबाट सन्यास लिएका छन् ।

दक्षिण अफ्रिकाका लागि केवल ४ वटा टेस्ट खेलेका क्लासेनले सोमबार सन्यासको घोषणा गरेका  क्रिकबजले जनाएको छ ।

---

३२ वर्षीय क्लासेनले गत वर्ष मार्चमा वेस्ट इन्डिजविरुद्ध अन्तिम टेस्ट क्रिकेट खेल खेलेका थिए । सन् २०१९ मा भारतविरुद्ध खेल्दै टेस्टमा डेब्यु गरेका क्लासेनले केवल १ सय ४ रन बनाएका छन् ।

क्लासेनले अब एकदिवसीय र टी-ट्वान्टी अन्तर्राष्ट्रिय खेलमा ध्यान दिने बताएका छन् । ५४ एकदिवसीय खेलेका क्लासेनले १ हजार ७ सय २३ रन तथा ४३ वटा टी-ट्वान्टीमा ७ सय २२ रन बनाएका छन् ।