अफगानिस्तानले श्रीलंका र आयरल्यान्डसँग तीनवटै फर्म्याटको क्रिकेट सिरिज खेल्ने

काठमाडौँ- अफगानिस्तानले श्रीलंका र आयरल्यान्डसँग तीनवटै फर्म्याटको क्रिकेट सिरिज खेल्ने भएको छ । अफगानिस्तान क्रिकेट बोर्डले मंगलबार श्रीलंका र आयरल्यान्डसँग आगामी फेब्रुअरी-मार्चमा सिरिज खेल्ने जनाएको हो ।

अफगानिस्तानले सुरुमा श्रीलंकाको भ्रमण गर्ने छ भने त्यसपछि आयरल्यान्डविरुद्ध यूएईमा खेल्ने तालिका रहेको छ । अफगानिस्तानले यूएईलाई घरेलु मैदानको रुपमा प्रयोग गरिरहेको छ ।

---

अफगानिस्तानले श्रीलंकाविरुद्ध फेब्रुअरी २ देखि २१ तारिखसम्म एक खेलको टेस्ट, तीन खेलको एकदिवसीय तथा तीन खेलको टी-ट्वान्टी सिरिज खेल्ने तालिका रहेको छ ।

त्यसपछि फेब्रुअरी २८ देखि मार्च १८ सम्म आयरल्यान्डसँग पनि एक खेलको टेस्ट, तीन खेलको एकदिवसीय र तीन खेलको टी-ट्वान्टी सिरिज खेल्नेछ ।

तर श्रीलंका र आयरल्यान्डको सिरिजअघि अफगानिस्तानले भारतविरुद्ध तीन खेलको टी-ट्वान्टी सिरिज खेल्दैछ । भारत र अफगानिस्तानबीचको सिरिज बिहीबारबाट सुरु हुनेछ ।