टोटेनहमले भित्र्यायो जर्मन फरवार्ड टिमो वेर्नर

काठमाडौँ- इंग्लिस फुटबल क्लब टोटेनहमले जर्मन फरवार्ड टिमो वेर्नरलाई भित्र्याएको छ । टोटेनहमले टिमोलाई जर्मन क्लब आरबी लाइपजिगबाट लोनमा भित्र्याएको बीबीसीले जनाएको छ ।

टोटेनहमले २७ वर्षीय टिमोलाई स्थायी रुपमा राख्ने विकल्प पनि राखेको छ ।

---

दक्षिण कोरियन फरवार्ड सन हेउङ-मिन एसियन कपमा व्यस्त हुने तथा जेम्स म्याडिसन घाइते भएका कारण टोटेनहमले टिमोलाई भित्र्याएको हो ।

टिमोले यसअघि सन् २०२० देखि २०२२ सम्म इंग्लिस क्लब चेल्सीका लागि समेत खेलेका थिए । उनले चेल्सीका लागि ८९ खेलमा २३ गोल समेत गरेका थिए ।

सन् २०२२ मा लाइपजिगमा आवद्ध भएका टिमोले जारी सिजनमा १४ खेल खेल्दै २ गोल गरेका छन् ।

उनले जर्मनीका लागि ५७ खेल खेलेका छन् ।