लिभरपुल तथा इजिप्टका फरवार्ड सालाहले अफ्रिका कप अफ नेसन्सको दुई खेल गुमाउने

काठमाडौँ- इजिप्टका फरवार्ड मोहम्मद सालाहले अफ्रिका कप अफ नेसन्सको दुई खेल गुमाउने भएका छन् ।

इंग्लिस क्लब लिभरपुलका फरवार्ड सालाहले सोमबार हुने समूह 'बी' अन्तर्गत केप भर्डेविरुद्धको खेल गुमाउने बीबीसीले जनाएको छ ।

---

त्यसैगरी, यदि इजिप्त अन्तिम १६ मा प्रवेश गरेको अवस्थामा सालाहले उक्त खेल पनि गुमाउने भएका हुन् ।

समूह 'बी' अन्तर्गत गत बिहीबार घानासँग इजिप्टले २-२ गोलको बराबरी खेलेको खेलका क्रममा ३१ वर्षीय सालाह घाइते भएका थिए ।

अब अन्तिम १६ मा स्थान बनाउन सातपटकको विजेता इजिप्टले केप भर्डेलाई पराजित गर्नुपर्नेछ ।