पीएसजी फ्रेन्च कपको अन्तिम १६ मा पुग्दा एम्बाप्पेको दुई गोल

काठमाडौँ- पेरिस सेन्ट जर्मेन (पीएसजी) फ्रेन्च कप फुटबल प्रतियोगिताको प्रि-क्वार्टरफाइनलमा प्रवेश गरेको छ ।

आइतबार बिहान भएको अन्तिम ३२ चरणको खेलमा ओरेलियन्सलाई ४-१ गोलअन्तरले पराजित गर्दै पीएसजीले अन्तिम १६ मा स्थान सुरक्षित गरेको हो ।

---

पीएसजीको जितमा कायलियन एम्बाप्पेले २ तथा गोन्कालो रामोस र सेन्नी मायुलुले एक-एक गोल गरे । ओरेलियन्सका लागि निकोलास सेन्ट-रफले एक गोल फर्काए ।

यससँगै जारी सिजनमा एम्बाप्पेले पीएसजीका लागि २६ खेलमा २८ औँ गोल गरिसकेका छन् ।