सानिया मिर्जा र शोएबको महिनौअघि सम्बन्धविच्छेद भएको खुलासा

काठमाडौँ- भारतीय सफल टेनिस खेलाडी सानिया मिर्जा र पाकिस्तानी क्रिकेटर शोएब मल्लिकबीच महिनौपहिले सम्बन्धविच्छेद भएको खुलासा भएको छ ।

सानिया मिर्जाको परिवार र उनको टिमले सामाजिक सञ्जालमार्फत एक वक्तव्य सार्वजनिक गर्दै सानिया र शोएबको सम्बन्धविच्छेद भएको महिनौ बितिसकेको जनाएको हिन्दुस्तान टाइम्सले उल्लेख गरेको छ ।

---

सोएबले चर्चित पाकिस्तानी नायिका साना जाभेदसँग विवाह गरेको समाचार बाहिरिएपछि आइतबार सानियाको परिवार र टिमले उक्त वक्तव्य सार्वजनिक गरेको हो ।

गत शनिबार साना जाभेदले सामाजिक सञ्जालमार्फत आफूले शोएबसँग विवाह गरेको तस्बिरहरू सार्वजनिक गरेकी थिइन् ।