बर्नमाउथमाथि लिभरपुलको शानदार जित

काठमाडौँ- इंग्लिस प्रिमियर लिग फुटबलअन्तर्गत शीर्ष स्थानको लिभरपुलले बर्नमाउथमाथि शानदार जित हात पारेको छ ।

आइतबार राति भएको खेलमा लिभरपुलले बर्नमाउथमाथि ४-० गोलअन्तरको जित हात पारेको हो । लिभरपुलको जितमा डार्विन नुनेज र डिएगो जोटाले समान २-२ गोल गरे ।  

---

यस जितसँगै लिभरपुलले २१ खेलबाट ४८ अंक जोड्दै दोस्रो स्थानको साविक विजेता म्यानचेस्टर सिटीसँगको दूरी ५ अंकमा पुर्‍याएको छ ।

सिटीले भने २० खेलबाट ४३ अंक हात पारेको छ ।