मिडल्सब्रोविरुद्ध ६ गोल गर्दै चेल्सी कारबाओ कपको फाइनलमा

काठमाडौँ- इंग्लिस प्रिमियर लिग क्लब चेल्सी कारबाओ कप फुटबल प्रतियोगिताको फाइनलमा प्रवेश गरेको छ ।

मंगलबार राति भएको सेमिफाइनलको दोस्रो लेगमा दोस्रो डिभिजनको क्लब मिडल्सब्रोलाई ६-१ ले पराजित गर्दै चेल्सीले फाइनलमा स्थान बनाएको हो ।

---

चेल्सीले सेमिफाइनल समग्रमा ६-२ गोलअन्तरले जित्यो । पहिलो लेगमा भने मिडल्सब्रोले चेल्सीलाई १-० गोलले स्तब्ध पारेको थियो ।

मंगलबार राति भएको खेलमा चेल्सीका लागि कोल पाल्मरले २ गोल गर्दा इन्जो फर्नान्डेज, एक्सेल डिसासी र नोनी माडुएकेले एक-एक गोल गरे । मिडल्सब्रोका जोनी हाउसनले एक आत्मघाती गोल गरे । मिडल्सब्रोका लागि भने मोर्गान रोजर्सले एक गोल फर्काए ।

चेल्सीले उपाधिका लागि भने अब लिभरपुल र फुलहमबीच हुने सेमिफाइनल खेलको विजेतासँग खेल्नेछ ।