यू-१९ विश्वकपः अफगानिस्तानविरुद्ध नेपाल बलिङमा

काठमाडौँ- दक्षिण अफ्रिकामा जारी आईसीसी यू-१९ क्रिकेट विश्वकपअन्तर्गत नेपालले अफगानिस्तानविरुद्ध पहिला बलिङ गर्ने भएको छ ।

इस्ट लन्डनस्थित बफ्यालो पार्कमा टस जितेर अफगानिस्तानले नेपाललाई पहिला बलिङका लागि निम्तो दिएको हो । अफगानिस्तानले भने पहिला ब्याटिङ गर्ने निर्णय गरेको छ ।

---

समूह 'डी' मा रहेका नेपाल र अफगानिस्तानले यसअघिका दुवै खेलमा पराजय भोगिसकेका कारण सुपर सिक्समा पुग्न दुवै टोलीलाई आज जितको आवश्यकता रहेको छ ।

यसअघि नेपाल र अफगानिस्तान दुवैले न्यूजिल्यान्ड र पाकिस्तानसँग हार बेहोरेको थियो ।