मुख्य प्रशिक्षक जाभीले यस सिजनको अन्त्यमा बार्सिलोना छाड्ने

काठमाडौँ- स्पेनिस फुटबल क्लब बार्सिलोनाका मुख्य प्रशिक्षक जाभीले यस सिजनको अन्त्यमा क्लब छाड्ने भएका छन् ।

स्पेन र बार्सिलोनाका पूर्व मिडफिल्डर जाभीले सन् २०२१ को नोभेम्बरमा बार्सिलोनाको मुख्य प्रशिक्षक नियुक्त भएका थिए । ४४ वर्षीय जाभीले जुन ३० मा क्लब छाड्ने बीबीसीले जनाएको छ ।

---

उनी कतारी क्लब अल साद छाडेर स्पेनिस क्लब बार्सिलोनाको मुख्य प्रशिक्षकको जिम्मेवारी सम्हालेका थिए ।

जाभीले सन् २०२२-२०२३ को सिजनमा बार्सिलोनालाई स्पेनिस ला लिगाको उपाधि दिलाएका थिए ।

तर जारी सिजनमा भने बार्सिलोनाले खराब प्रदर्शन गरिरहेको छ । शनिबार राति नै १४ औँ स्थानको भिल्लारियलसँग ५-३ गोलअन्तरको पराजय भोगेको थियो ।