एकै राष्ट्रिय क्रिकेट प्रतियोगितामा विनोद भण्डारीले हिर्काए दोस्रो शतक

काठमाडौँ- जारी पीएम कप पुरुष राष्ट्रिय क्रिकेट प्रतियोगितामा त्रिभुवन आर्मी क्लबका कप्तान विनोद भण्डारीले दोस्रो शतक पूरा गरेका छन् ।

कीर्तिपुरस्थित त्रिवि क्रिकेट मैदानमा आइतबार विनोदले कर्णाली प्रदेशविरुद्ध शतक पूरा गरेका हुन् । जारी प्रतियोगितामा विनोदको यो दोस्रो शतक हो । विनोदले कर्णालीविरुद्ध १ सय ३२ बलमा शतक पूरा गरे । उनले ६ चौका र ३ छक्का हिर्काएका छन् ।

---

यसअघि विनोदले मधेश प्रदेशविरुद्ध शतक पूरा गरेका थिए । विनोदले ९३ बलमै १ सय १३ रन बनाएका थिए । उनले ९ चौका र ६ छक्का हिर्काएका थिए ।

मधेशविरुद्धको उक्त खेल आर्मीले १ सय २६ रनले जितेको थियो ।