अफ्रिका कप अफ नेसन्सः कंगो र गिनी अन्तिम ८ मा प्रवेश

काठमाडौँ- कंगो र गिनीले अफ्रिका कप अफ नेसन्स फुटबल प्रतियोगिताको क्वार्टरफाइनलमा स्थान सुरक्षित गरेका छन् ।

आइतबार राति भएको प्रि-क्वार्टरफाइनल खेलमा गिनीले १० खेलाडीमा सीमित इक्वेटोरियल गिनीलाई १-० गोलअन्तरले पराजित गर्दै अन्तिम ८ मा प्रवेश गरेको हो ।

---

मिडफिल्डर फेडेरिको बिकोरो ५५ मिनेटमा रातो कार्ड खाँदै मैदान बाहिरिएपछि इक्वेटोरियल गिनी १० खेलाडीमा सीमित भएको थियो ।

त्यसपछि दोस्रो हाफको इन्जुरी समयमा मोहमद बायोले गोल गर्दै गिनीलाई जित दिलाए ।

अर्को खेलमा कंगोले इजिप्टलाई पेनाल्टी सुटआउटमा ८-७ ले पराजित गर्दै अन्तिम ८ मा स्थान सुरक्षित गर्‍यो । यसअघि निर्धारित र थप गरिएको समयमा दुवै टोलीले १-१ गोलको बराबरी खेलेका थिए ।