रुसले १५ वर्षीया खेलाडीलाई डोपिङ दिएर ओलम्पिकमा उतारेको पुष्टी

जेनेभा- रुसी फिगर स्केटर क्यमिला भलिभामाथि प्रतिबन्ध लगाइएको छ ।

लामो समयदेखि चलिरहेको डोपिङ सागा मुद्धामा उनलाई सोमबार दोषी पाइएको हो । जसअनुसार १७ वर्षीया किशोरी क्यामिला माथी चार वर्षको प्रतिबन्ध लगाइएको थियो।

---

स्विट्जरल्याण्डको खेलकुदको आर्बिट्रेसन कोर्टले बेइजिङमा २०२२ को शीतकालीन ओलम्पिक अघि भएको परीक्षणबाट भलिभालाई डोपिङ विरोधी नियम उल्लङ्घनमा दोषी पाइएको थियो । जसअनुसार रुसले आफना १५ वर्षीया खेलाडीलाई डोपिङ दिएर ओलम्पिकमा उतारेको पुष्टी भएको छ ।

सो प्रतिबन्ध डिसेम्बर २५ डिसेम्बर २०२१ देखि गणना सुरु हुनेछ, जुन दिन डोपिङको आशंकामा नमूना सङ्कलन गरिएको थियो । उनीमाथि सो प्रतिबन्ध लागेपछि एन्टी डोपिङ निकायहरूले स्वागत गरेका छन् ।

‘बालबालिकामाथिको डोपिङ अक्षम्य छ,’ विश्व एन्टी डोपिङ एजेन्सी (वाडा)ले एक विज्ञप्तिमा भनेको छ, ‘डाक्टर, प्रशिक्षक वा अन्य सहयोगी कर्मचारीहरू जसले नाबालिगहरूलाई प्रदर्शनका लागि थप तागतदार पदार्थहरू उपलब्ध गराएको पाइन्छ उनीहरूले विश्व एन्टी डोपिङको मुद्धा सामना गर्नुपर्छ ।’

क्यामेला डोपिङको आशंकामाा नमुना संकलन गर्दा केवल १५ वर्षकी थिइन्, जब उनले ट्राइमेटाजिडिनको लागि परीक्षण गरे तब उनीमाथि डोपिङ प्रयोग गरिएको प्रारम्भिक रिपोर्ट देखिएको थियो । जसलाई अहिले अदालतले दोषी ठहर गरेको हो ।