एसियन कप : आयोजक कतार र जोर्डन क्‍वार्टरफाइनलमा

काठमाडौँ- आयोजक कतारसँगै जोर्डन एएफसी एसियन कप फुटबल प्रतियोगिताको क्‍वार्टरफाइनलमा प्रवेश गरेका छन् ।

सोमबार राति भएको प्रि-क्‍वार्टरफाइनल खेल जित्दै कतार र जोर्डन अन्तिम ८ मा प्रवेश गरेका हुन् ।

---

अल बायत स्टेडियममा भएको खेलमा कतारले प्यालेस्टाइनलाई २-१ गोलअन्तरले पराजित गर्‍यो । कतारको जितमा हसन अल हायदोस र अकरम अफिफले एक-एक गोल गरे । प्यालेस्टाइनका लागि एकमात्र गोल ‌ओडाय दबाघले गरे ।

खलिफा इन्टरनेसनल स्टेडियममा भएको खेलमा भने जोर्डनले इराकलाई ३-२ पाखा लगायो । जोर्डनको जितमा याजन अल नैमत, याजन अल अरब र निजार अल रासदानले एक-एक गोल गरे । इराकका लागि सुआद नाटिक र आयमान हुसेनले एक-एक गोल फर्काए ।