पीएसजी छाडेर रियल मड्रिड जाने तयारीमा एमबाप्पे

काठमाडौँ- फ्रेन्च लिग वान क्लब पेरिस सेन्ट जर्मेन (पीएसजी) छाडेर फरवार्ड कायलियन एमबाप्पेले स्पेनिस क्लब रियल मड्रिड जाने तयारी गरेका छन् ।

खेलकुदसम्बन्धि पोर्टल इएसपीएनले जनाएअनुसार पीएसजीसँगको सम्झौता अन्त्य भएपछि एमबाप्पे रियल मड्रिड जाने भएका हुन् ।

---

एमबाप्पेको पीएसजीसँगको सम्झौता आगामी जुन महिनामा समाप्त हुँदैछ र उक्त सम्झौता टुंगिएसँगै एमबाप्पे स्पेनिस क्लबमा आवद्ध हुने जनाइएको छ ।

यसअघि सन २०२२ मा पनि एमबाप्पे रियल मड्रिड जाने चर्चा चलेपनि उनले पीएसजीसँगको सम्झौता नविकरण गरेका थिए ।

फ्रान्स राष्ट्रिय फुटबल टिमका २५ वर्षीय कप्तान एमबाप्पेले पीएसजीका लागि २ सय ८८ खेल खेल्दै २ सय ४१ गोल गरेका छन् ।