म्यानचेस्टर युनाइटेडका डिफेन्डर मार्टिनेज ८ हप्ता मैदान बाहिरै रहने

काठमाडौँ- इंग्लिस प्रिमियर लिग क्लब म्यानचेस्टर युनाइटेडका डिफेन्डर लिजान्द्रो मार्टिनेज ८ हप्ता मैदान बाहिरै रहने भएका छन् ।

आइतबार राति म्यानचेस्टर युनाइटेडले वेस्टहमलाई ३-० गोलअन्तरले पराजित गर्दा मार्टिनेज घाइते भएको बीबीसीले जनाएको छ ।

---

उनको घुँडामा चोट लागेको तथा उनी कम्तीमा पनि अप्रिलसम्म मैदानमा फर्कन नसक्ने अवस्था रहेको छ ।

यसअघि घाइते भएकै कारण तीन महिना मैदान बाहिर रहेका मार्टिनेजले जारी सिजनमा लिगको तेस्रो खेल खेल्दै गर्दै पुनः घाइते भएका हुन् ।