क्रिकेट लिग-२: नेपालले पहिलो खेल नामिबियाविरुद्ध खेल्ने

काठमाडौँ- आईसीसी पुरुष क्रिकेट विश्वकप लिग-२ अन्तर्गत नेपालले पहिलो खेल नामिबियाविरुद्ध खेल्ने भएको छ ।

नेपाल क्रिकेट संघ (क्यान) ले जनाएअनुसार नेपाल र नामिबियाबीचको खेल कीर्तिपुरस्थित त्रिवि क्रिकेट मैदानमा फेब्रुअरी १५ तारिखमा हुने भएको हो ।

---

लिग-२ को पहिलो चरणअन्तर्गत नेपाल, नामिबिया र नेदरल्यान्ड्सबीच त्रिकोणात्मक सिरिज हुन लागेको हो ।

नेपालले दोस्रो खेल नेदरल्यान्ड्सविरुद्ध फेब्रुअरी १७, तेस्रो खेल नामिबियाविरुद्ध फेब्रुअरी २१ तथा चौँथों खेल नेदरल्यान्ड्सविरुद्ध फेब्रुअरी २५ मा खेल्ने तालिका रहेको छ ।