नौ दिनमै बायर्न म्युनिखले भोग्यो तेस्रो पराजय

काठमाडौँ- जर्मन क्लब बायर्न म्युनिखले नौ दिनभित्रै लगातार तीन खेलमा पराजय भोगेको छ ।

जर्मन बुन्डेसलिगा फुटबलअन्तर्गत आइतबार राति भिएफएल बोचुमसँग ३-२ गोलअन्तरको पराजय भोगेसँगै बायर्न म्युनिखले नौ दिनभित्रै तीन खेलमा हार बेहोरेको हो ।

---

यसअघि बुन्डेसलिगाअन्तर्गत नै फेब्रुअरी १० मा लेभरकुसेनसँग ३-० को पराजय भोगेको बायर्न म्युनिखले फेब्रुअरी १५मा च्याम्पियन्स लिगको अन्तिम १६ को पहिलो लेगमा लाजियोसँग १-० गोलले हारेको थियो ।

आइतबार राति बोचुमलाई जित दिलाउन टाकुमा असानो, केभेन स्लोटेरबेक र केभिन स्टोगरले एक-एक गोल गरे । बायर्न म्युनिखका लागि जमाल मुसियाला र ह्यारी केनले एक-एक गोल फर्काए ।