नापोलीले बर्खास्त गर्‍यो मुख्य प्रशिक्षक वाल्टर, नयाँ प्रशिक्षक पनि नियुक्त

काठमाडौँ- इटालियन सिरि ए क्लब नापोलीले मुख्य प्रशिक्षक वाल्टर माजारीलाई बर्खास्त गरेको छ ।

मुख्य प्रशिक्षक नियुक्त भएको तीन महिनामै इटालियन फुटबल क्लब नापोलीले वाल्टरलाई बर्खास्त गरेको बीबीसीले जनाएको छ ।

---

वाल्टरको स्थानमा नापोलीले स्लोभाकिया राष्ट्रिय फुटबल टिमका मुख्य प्रशिक्षक फ्रान्सेस्को काल्जोनालाई मुख्य प्रशिक्षक नियुक्त गरेको छ ।

इटालियन नागरिक काल्जोनालाई नापोलीले जारी सिजनको लागि प्रशिक्षक नियुक्त गरेको हो । उनी स्लोभाकियाको पनि मुख्य प्रशिक्षक भने रहिरहने बताइएको छ ।

काल्जोनाले यसअघि नापोलीको सहायक प्रशिक्षकको रुपमा काम गरिसकेका छन् ।