युरोपा लिगः रेनेससँग पराजित भएपनि एसी मिलान अन्तिम १६ मा

काठमाडौँ- युरोपा लिग फुटबल प्रतियोगिताअन्तर्गत इटालियन क्लब एसी मिलानले नकआउट चरणको प्लेअफको दोस्रो लेगमा फ्रेन्च क्लबसँग पराजय भोगेपनि अन्तिम १६ मा प्रवेश गरेको छ ।

बिहीबार राति सम्पन्न दोस्रो लेगमा फ्रेन्च क्लब रेनेसले एसी मिलानलाई ३-२ गोलअन्तरले पराजित गर्‍यो ।

---

तर पहिलो लेग ३-० गोलअन्तरले जितेको एसी मिलानले समग्रमा भने ५-३ गोलको नजिता ल्याउँदै प्रि-क्वार्टरफाइनलमा स्थान सुरक्षित गर्‍यो ।

बिहीबार रातिको खेलमा रेनेसलाई जित दिलाउन बेन्जामिन बोरिजियाउडले ह्याट्रिक पूरा गरे । यता एसी मिलानका लागि लुका जोभिक र राफाएल लियोले एक-एक गोल फर्काए ।