क्रिकेट लिग-२: नामिबियाले नेदरल्यान्ड्सलाई दियो २०४ रनको लक्ष्य

काठमाडौँ- आईसीसी पुरुष क्रिकेट विश्वकप लिग-२ अन्तर्गतको त्रिकोणात्मक एकदिवसीय सिरिजको आफ्नो अन्तिम खेलमा नामिबियाले नेदरल्यान्ड्सलाई २ सय ४ रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको नामिबियाले ४१ ओभर ३ बलमा सबै विकेट गुमाएर २ सय ३ रन बनायो ।

---

नामिबियाका लागि जान निकोलले ४९ रन, मलन क्रुकरले ३९ रन तथा जान फ्रायलिन्कले ३४ रन बनाए ।

नेदरल्यान्ड्सका लागि भिभियन किंग्माले सर्वाधिक ३ तथा आर्यन दत्त र रोएलोफ भानले २-२ विकेट हात पारे ।